SHOUTBOX

Hilfe! Jährlich verhungered tuusigi vo Shoutbox! Hilf mit zverhindere, dass au de vietnamshoutbox das schicksal widerfahrt!!!
Also Lüüt, shoute cha ja nöd so schwierig sieh, drum für alli shoutbox-laie en aleitig, demit au würkli jede druschunnt ;) :

1) Dött wo NAME staht, chunnt jetzt äbe din name ine. (Annegrettli, Babettli, Claudio, Dorisli, Elisabethli, Fritzli, Günter, ect. )
2)Jetzt chunnt sallerwichtigste: sFeld wo Message staht. Da döffsch jetzt ebe das ineschriebe wo ufem vietnamgangblog söll stah (es grüessli oder es wünschli oder es frögli...)
2.1) Smailies heds ganz unde für die wo sich lieber mit nonverbale kommunikation düent usdrücke.
3) Bi Emailadresse und Homepage cha nach Wunsch und Luune au no öbis inegschriebe wärde, muess aber nöd.
4)Dateschutz erklärig muess aklickt wärde, da staht öpe sgliche wie bi allne andere Dateschutzerklärige.
5)so und jetzt chunnt ebe swichtigste und ebe au shöchst aspruchsvollste vode ganz shoutbox-sach! De SENDEN knopf! Also höchsti konzentration zämänäh, thand vorsichtig uf dini Muus due, ganz langsam de cursor mithilfe vode muus uf de button mit "senden" fahre (De wo gern alles nomal iträge will, döff au "reset" drücke), no eimal tüüf dureschnufe und mit em linke Finger elegant und sacht drücke bis es *klick* macht.
6)Wenn jetzt grad obe am Formular dini eigene poetische Wörter, Sätz und Kommas wie uf Zauberhand erschined, denn heschs richtig gmacht! Und süsch fangsch eifach bim 1) nomal ah!

Also ab jetzt, kei Usrede meh ihr chömmed nöd drus bide Shoutbox!
Gruz
fiona